Emakumezkoen Araba World Tennis Tour – Open Peña Vitorianaren VI. edizioa uztailaren 13tik 20ra izango da - arabapress

Gasteiz, 2025eko uztailaren 3a. Peña Vitoriana Tenis Club-ek Emakumezkoen Araba World Tennis Tour – Open Peña Vitoriana Tenis Clubaren seigarren edizioa hartuko du uztailaren 13tik 20ra. ITF 75 kategoriako txapelketa izango da, eta emakumezkoen tenis profesionaleko etorkizun handiko jokalari onenetako batzuk bilduko ditu.

Ekitaldi horrek Arabako Foru Aldundiaren, Gasteizko Udalaren eta Eusko Jaurlaritzaren babesa du, eta nazioarteko egutegiko galdu ezineko ekitaldi gisa finkatu da, zeina antolakuntza bikainagatik eta emakumeen kirolarekiko konpromiso irmoagatik nabarmentzen baita.

Txapelketa horrek nazioarteko emakumeen teniseko etorkizun handiko jokalari onenetako batzuk bilduko ditu berriz ere, eta parte hartzea askotarikoa eta lehia maila handikoa izango da: jokalarien % 80 nazioartekoak dira, % 15 Espainiakoak eta % 5 bertakoak, eta 15 herrialde baino gehiago ordezkatzen dituzte.

Profil eta jatorri aberastasun horri esker, txapelketak, 2024an, ITF kalitate izarra eskuratu du bigarren urtez jarraian; hain zuzen, antolaketaren bikaintasuna eta jokalariei, talde teknikoei eta ofizialei eskainitako esperientzia baloratzen dituen saria.
2025ean, klubak goi mailako tenisaren alde eta Gasteiz kirolaren mapan kokatzearen alde egindako apustua erakusten jarraitzea da helburua.

Aurkezpen ekitaldian, hiru erakunde sustatzaileetako ordezkariak egon dira. Ana del Val Kultura eta Kirol Saileko foru diputatuak nabarmendu duenez, "txapelketa honek emakumeen kirolari balioa emateaz gain, talentuan, berdintasunean eta kalitatezko kirolean sinesten duen lurralde gisa proiektatzen du Araba".

Txapelketarako sarbidea librea izango da aste osoan, eta, txapelketarekin batera, gizarte eta kultura jarduerak ere eskainiko dira. Gasteiz emakumeen tenis onenaren epizentro bihurtuko da berriz ere, kirola, balioak eta nazioarteko proiekzioa uztartzen dituen ekitaldiari esker.

Peña Vitoriana Tenis Club elkartea
Peña Vitoriana Tenis Club-a aisialdi elkarte gisa sortu zen 1930ean, eta 1970ean kirol klub bihurtu zen. Tenisaren eta padelaren erreferente nagusietako bat bihurtu da Gasteizen eta Araban. Uleta gainean dago (Uleta kalea 11, 01007 Gasteiz), eta haren instalazioetan egonak dira zenbait tenislari ospetsu, hala nola Manolo Santana, Manuel Orantes, Juan Gisbert eta José Luis Arilla, zeinek klubaren inaugurazio ofizialean parte hartu baitzuten. 

Argibide gehiago, hemen:
Alberto González-Regueral

gerencia@pvitoriana.com
 laura@metafinal.com

https://www.pvitoriana.com/
945 13 33 38