A-1 autobiako gaueko zirkulazioa etetea Argantzongo eta Arminongo lotuneen artean, Burgoserako norabidean - prentsa

Gasteiz, 2025eko otsailaren 17a.- Armiñongo lotunea handitzeko eta hobetzeko obrak gauzatzeak A-1 autobiako zirkulazioa eten beharra ekarriko du Burgos/Madrilerako noranzkoan, gauez, egun batzuetan. Zirkulazioa eteteak eragina izango du Argantzon eta Amiñonen arteko lotuneetan, eta otsailaren 19, 20, 21, 26, 27 eta 28an izango da, 22:30etik 05:30era, seinaleztapen atari berriak jartzeko.

Etenen iraupen programatua lau gautan banatuko da, bi astetan banatuta, honela:

• Aste honetan:

- Otsailaren 19ko 22:30etik (asteazkena) otsailaren 20ko 05:30era (osteguna).

- Otsailaren 20ko 22:30etik (osteguna) otsailaren 21eko 05:30era (ostirala).

• Datorren astean:

- Otsailaren 26ko 22:30etik (asteazkena) otsailaren 27ko 05:30era (osteguna).

- Otsailaren 27ko 22:30etik (osteguna) otsailaren 28ko 05:30era (ostirala).

Egun eta ordu tarte horietan, zirkulazioa CL-127 errepidetik desbideratuko da, errepide horren eta N-I zaharraren arteko lotuneraino, eta handik bideratuko da zirkulazioa Armiñongo lotuneraino. Bertan, ibilgailuek beren ibilbideari berriro helduko diote kasuan kasuko adarretik (batez ere AP-1 Burgos/Madrilerako norabidean eta A-1 Miranda de Ebrorako eta Logroñorako norabidean -N-124-).

Argantzongo lotunetik Madrilerako irteeran ere zirkulazioa etengo da; beraz, CL-127tik Madrilerako noranzkoan joan nahi duen zirkulazioak ibilbide alternatiboa erabili beharko du N-I zaharretik.

Proposatutako desbideratzea bat datorrenez A-1 errepidearen ibilbide alternatiboarekin (Burgoserako/Madrilerako noranzkoan), zeina zirkulazio operazio berezietarako seinaleztatuta egoten baita, operazio horietarako Argantzongo lotunean (334. irteera) eta CL-127 errepidearen eta N-I errepide zaharraren arteko lotunean jarritako seinaleak erabiliko dira. Seinaleztapen hori seinaleztapen langileek indartuko dute ibilbide alternatiboaren hiru lotuneen norabide aldaketetan.

Aurreikusitako lanak egiten diren bitartean, ezin izango da garraio berezirik ibili A-1 autobiaren tarte horretan, beheranzko noranzkoan (Irun-Madril noranzkoan).