Berriak - Arabako Foru Aldundia - arabapress
Arabak eta Vitoria-Gasteizek bizikleta bidezko mugikortasuna sustatzeko proiektuak aurkeztuko dituzte ostegun honetan RedBici jardunaldian
Arabako enpresek irtenbide berritzaileak aurkeztuko dituzte bizikletaren erabilera sustatzeko eta haren segurtasuna hobetzeko
Foru Aldundiak Vitoria-Gasteiz / Miñaoko Parke Teknologikoa bizikleta bidea jarri du martxan
Argiztapen adimenduna eta bizikletak konpontzeko gunea ditu
Bizikleta bidezko mugikortasuna errazten die parke teknologikoko 4.000 langile baino gehiagori, azpiegitura moderno eta seguruaren bidez.
Ramiro González lehen sektorearekin bildu da bizi duen unea ezagutzeko eta bere erronkak eta kezkak partekatzeko
Diputatu nagusia, Noemí Aguirre Nekazaritzako foru diputatuarekin batera, sektoreko ordezkariekin bildu da Aiaraldean, Arabako Errioxan eta Arabako Lautadan
Foru Aldundia paper eta kartoiarentzako edukiontziak aldatzen hasi da lurraldean, hondakinen kudeaketan efizientzia areagotzeko
«Papera eta kartoia gaika biltzeko azpiegitura berrietan inbertitzea funtsezkoa da zerbitzuaren kalitatea hobetzeko eta ekonomia zirkularreko eredu sendoago baterantz aurrera egiteko», azaldu du Saray Záratek, Ekonomiaren Garapen eta Jasangarritasun diputatuak
Foru Aldundiak familia jardueren programa zabala antolatu du natura parkeetan apirilerako
Programazioa hilaren 18an hasiko da, hegazti alpetarretan oinarritutako bisita gidatu batekin. Bisita hori Lalastrako Parketxean egingo da, Valderejoko natura parkean
Indesa enpleguko zentro bereziak Arabari egiten dion ekarpena indartzen du, 53,2 milioi euro sortu baititu balio sozial integratuan
Desgaitasuna duten langileengan, haien familiengan, administrazio publikoetan, bezeroengan eta lurraldeko ehun sozioekonomikoan sortzen duen zuzeneko inpaktua % 7,43 handitu da azken urtean
52 lan aukera berri sortu ditu 2025ean
Arabako Foru Aldundiak etxebizitzari buruzko eskualdeko hitzaldi-erronda antolatu du, herritarrei abian dauden baliabide eta proiektuen berri emateko
Topaketa horiek apirilaren 15etik maiatzaren 27ra egingo dira Arabako sei kuadrillatan, eta Etxebizitza.araba.eus webgunean, etxebizitza-bulego berrian eta foru erakundeak bultzatutako eraikuntza-planetan eskura dauden laguntzak azaltzeko balioko dute
Arabak Bizkaiak eta Gipuzkoak neurri fiskal sorta planteatu dute ehun ekonomikoaren gaineko tentsioak arintzeko
Hiru Lurralde Historikoen eskuduntza fiskal propioari esker, foru aldundiek Irango gatazkak eragin ditzakeen ondorioak arintzeko adostu dituzten zerga neurriak aurkeztu dituzte gaur goizean. Helburua da Ekialde Hurbileko gerraren ondorioek eta ziurgabetasunak hiru lurraldeetako ekonomian, inbertsioan eta enpleguan izan dezakeen eragina arintzea
Neurri horiek, nagusiki, hauek dira: zerga zorrak geroratzea, PFEZaren ordainketa zatikatua egitetik salbuestea, eskuratutako aktibo berrien ezohiko amortizazio azeleratua, enplegua sortzearen kenkari gehitua. Era berean, aldundiek konpromisoa hartu dute BEZaren itzulketen tramiteak arintzeko, hartara enpresek finantzaketa handiagoa izan dezaten
Arabako Ogasunak batez beste 1.381 euro itzuliko dizkie zergadunei errentaren kanpainan
Foru Ogasunak zergadun guztien % 73ri egin dio proposamena Rentafácil bidez
Kanpaina honetan zerga onurak aplikatuko dira etxebizitzarekin, bateratzearekin eta berdintasunarekin, gizarte aurreikuspeneko planekin, jarduera ekonomikoa hastearekin eta ingurumena errespetatzen duten ibilgailuak erostearekin lotuta
Foru Gobernuaren Kontseiluak onartutako gaien laburpena
Aiala Lucero Ibisate izan da Arabako Jaiak 2026 iragartzeko kartelaren lehiaketaren irabazlea
- Sei finalisten artean hautatu dute bere proposamenagatik: «Erroak eta Poza: Arabako Jaiak 2026/Raíces y Alegría:
- Aitziber Raya Puertas izan da Gazte kategoriako irabazle, "Lurra Esnatzen" kartelarekin
Foru Aldundiak eta BUILD:INN klusterrak eraikuntza sektorean enplegua sustatzeko programa bat abiarazi dute
Banakako orientazioa, prestakuntza teknikoa eta enpresekiko bitartekaritza eskaintzen ditu
Cristina González: "Langabezian dauden pertsonei eta birziklatu behar direnei lan irtenbide bat eskaini nahi diegu langile kualifikatuak behar dituen sektore indartsu batean"
Arabako Foru Aldundiak "Planetaren Ordua"rekin bat egingo du klima aldaketari buruz kontzientziatzeko
Foru Aldundiak bat egingo du WWFek sustatzen duen eta 20 urte bete dituen nazioarteko kanpainarekin, eta 20:30etik 21:30era programatutako itzalaldi sinbolikoan parte hartuko du
Foru Gobernuaren Kontseiluak onartutako gaien laburpena
Asafes elkarteak bere 50. urteurrena ospatuko du 2026an sentsibilizazio eta aintzatespen jarduera desberdinekin, lan aitzindari hori ikusarazteko, taldeko 2.000 pertsona baino gehiagotara iritsi baita
Mota horretako lehen elkartea izan zen Estatuan, eta Espainiako Osasun Mentaleko Konfederazioaren eta gaixo psikikoen Euskadiko Federazioaren sustatzailea ere izan zen
Ekimen aitzindari hori 1976an sortu zen, Las Nieves zentroan ingresatuta dauden gaixoen senideek lideratua, eta gaur egun osasun mentaleko arazoak dituzten pertsonei eta haien ingurune osoari arreta integrala eskaintzen die, lan-bizitzan sartzetik hasi eta gizartean erabat integratzearekin zerikusia duten alderdietara arte
Arabako Foru Aldundiak elkarrizketarako deia egin du eta zibersegurtasun industrialaren garrantzia azpimarratu du Aiara Industrial Labek antolatutako Gosari Teknologikoan
Ramiro Gonzalezek berretsi egin du erakundeak industria berritzaileagoa, digitalagoa, lehiakorragoa eta deskarbonizatuagoa izateko duen konpromisoa, lurraldearen modernizazio ekonomikoari laguntzeko tresnak bultzatuz
"Zure Ideia Kontuan" lehiaketak 84 proposamen jaso ditu guztira, 22 urteko historia errekorra
Lehiaketak hogeita bigarren edizioa du aurtengoa, eta 2025ean baino % 28 proiektu gehiago jaso ditu
Adimen artifizialaren aplikazioa elementu komuna da kategoriei aurkeztutako proposamen askotan
Lurraldeko eragile ekintzaileek osatutako epaimahaiak aukeratuko ditu apirilaren 16an Villa Suso Jauregian egingo den "Ekin Coffee" ekitaldian ezagutzera emango diren finalistak
Argitaratu da ondare dokumentala ikertzeko bi bekatarako deialdia
Arabako Artxiboan gordetako iturri dokumentalei buruzko ikerketa proiektuak bultzatzeko xedea dute, haien erabilera zientifikoa eta akademikoa errazteko
Eskaerak aurkezteko epea apirilaren 21ean amaituko da
Ireki da desgaituentzako banakako laguntzen deialdiaren epea
2025ean, zenbateko handienak laguntza produktuetara bideratu ziren, hala nola gurpil aulkiak, ibilgailuen egokitzapenak, garabiak eta ohe artikulatuak, gero audifono eta betaurrekoetara, eta etxebizitzen irisgarritasunerako laguntzetara
Foru-aldundiek eta nekazaritza-sektoreak kezka adierazi dute Bizkaia eta Araba dermatosi nodularrari aurre egiteko txertaketatik kanpo geratu direlako
Foru-erakundeek eta nekazaritza-sektoreak berretsi dute beharrezkoa dela dermatosiaren aurkako txertoa Euskal Autonomia Erkidego osoan jartzea , azken fokuen ondoren azienda babesteko
Erakundeek adierazi dute prest daudela txerto horren kostua ordaintzeko, eta ustiategietan prebentzio-neurriak muturreraino eramatea gomendatzen dute
Arazoa larreetara igotzeko denboraldiaren hasierarekin batera etorri da, eta horrek sektoreko prebentzio-beharra indartzen du
Foru Gobernuaren Kontseiluak onartutako gaien laburpena
Arabako Antzinako Musikaren Asteak lehen aldiz ospatuko du Antzinako Musikaren Europako Eguna, oso kontzertu bereziarekin
Vitoria-Gasteizko Santa Maria katedralak Musikeneko orkestraren kontzertua eskainiko du, Alfredo Bernardini espezialistaren zuzendaritzapean
'Toponimia histórica y contacto vasco-románico' ikerketa-lana aurkeztu dute Arabako Foru Aldundiak eta Euskaltzaindiak
Arabako Foru Aldundiak eta Euskaltzaindiak ikerlan berria aurkeztu dute jendaurrean: Toponimia histórica y contacto vasco-románico (Norte de Valdegovía y Ribera Alta -Álava-, Berberana y Junta de Villalba de Losa -Burgos-)
Gaubeako eta Erriberagoitiko udalerrien iparraldea Araban eta Burgosko Berberana eta Villalba de Losako toponimia historikoa ikertu dute Roberto González de Viñasprek, Ibon Olaziregik eta Pedro Uribarrenak. Ikerlan horren emaitza jasotzen da argitalpenean
Lehendakariak eta diputatu nagusiak Añanako Kuadrillaren egoitza berria inauguratu dute
Ekipamendua Ribabellosan dago, eta eskualdeko bulegoak egoitza bakar batean biltzeko helburuari erantzuten dio, herritarrei ematen zaien arreta eta lan-espazioen funtzionaltasuna hobetuz
Arabak harrera familia gehiago behar ditu adin guztietako haurrak eta nerabeak artatzeko
Arabako Foru Aldundiak ‘Etxekoa egingo zaizu etxean’ kanpaina aurkeztu du. Kanpaina horrekin nabarmendu nahi du harrerak ez duela heroikotasunik eskatzen, ezpada denbora eta maitasuna eskaintzeko prest dauden pertsonak
Gorka Urtaran foru diputatuak azpimarratu du Hazaldi harrera zentroan dauden 22 haur harrera familiekin “bizi” daitezkeela “gaur egun
Ramiro Gonzalezen esanetan, "gure industria, enpleguak eta familiak defendatuko ditugu Ekialde Ertaineko krisiaren ondorioak arintzeko neurriekin"
Diputatu Nagusia eta bere gobernuaren zati bat, Arabako Merkataritza Ganberarekin eta SEA Arabako Enpresekin bildu dira krisi honek Arabako produkzio-sarean duen eragina aztertzeko
Arabako Foru Aldundia neurri sorta bat prestatzen ari da, krisiaren iraupenaren eta intentsitatearen arabera aktibatuko dena
Mobility Lab Vitoria-Gasteizek "Best Innovative Project for the Future of Mobility" saria jaso du eMobility Expo World Congress-en
Nazioarteko aintzatespenak Gasteizko berrikuntza-ekosistemak bultzatutako Sandbox eta mugikortasun eta logistika jasangarrirako datu-gune federatua balioesten ditu
Foru Gobernuaren Kontseiluak onartutako gaien laburpena
30 herrialdetatik baino gehiagotatik etorriko diren 320 kirolari bilduko dira Vitoria-Gasteiz Nazioarteko Parabadminton Torneoaren V. edizioan
Txapelketak bere historiako partaidetzarik handiena bilduko du Aranalden, azken Munduko Txapelketak bakarrik gainditu duena
Foru Aldundiak amaitu ditu Urtegiko Ibilbide Berdearen trazadura hobetzeko lanak presa eta Langara Ganboa arteko tartean
Jarduketak barne hartzen ditu bide berriko 430 metro, lehendik dauden 2,7 km-ko hobekuntza, bi begiratoki panoramiko eta oinezkoentzako eta txirrindularientzako erraztasunak
Arabako Kulturaren III. Foroak kulturak ekonomiaren, gizartearen eta ingurumenaren jasangarritasunaren eragile gisa duen zeregina jorratuko du.
Martxoaren 25ean eta 26an, BIBAT Museoak eta Amárica Aretoak Arabako kultura sektorerako topaketa estrategiko bat batuko dute, Arabako Foru Aldundiak antolatuta.
Ramiro González: “Lanean jarraituko dugu emakumeen memoria aintzat har dadin eta etorkizuneko belaunaldientzat inspiratzailea izan dadin”
Emakumeen Nazioarteko Eguna dela egindako ekitaldian, Arabako Foru Aldundiak zazpi emakume omendu ditu, atzoko esperientziak gaur egungoekin lotzen dituen haria irudikatzen dutenak
Taxibonuaren laguntza berriek mugikortasun zailtasun handienak dituzten pertsonei emango diete lehentasuna
Malgutu egin dira eskatutako baldintzak, bai eta garraio kolektiboak erabiltzeko zailtasunak daudela egiaztatzeko behar den puntuazioa eta ehunekoa ere
Ramiro Gonzalezek iragarri du hilabete honetan bulego fisiko bat irekiko duela, etxebizitzari buruzko foru laguntzak zentralizatuko dituena eta interesdunei lagunduko diena
Diputatu Nagusiak azaldu duenez, Landazuri kalean egongo da, eta "Arabako Foru Aldundian etxebizitzaren arloan abian jartzen ari garen aukera guztiak herritarrei hurbiltzea" bilatuko du
Foru Gobernuaren Kontseiluak onartutako gaien laburpena
Adierazpen instituzionala, Martxoaren 8a, Emakumeen Nazioarteko Eguna, dela-eta
Euskal erakundeek aldi baterako lan-poltsa berriak bultzatzen dituzte Euskadiko udaletan idazkaritza, kontu-hartzailetza eta diruzaintzako funtzionarioen estaldura bermatzeko
Etengabeko judizializazioak blokeatu egiten du EAEko Toki Administrazioko plazen estaldura, hainbat urtez LEP, egonkortze-prozesu eta aldi baterako lan-poltsen aurkako errekurtsoen ondoren
Idazkaritza, Kontu-hartzailetza eta Diruzaintzako 400 postuen % 30a baino ez daude beteta eta egoera honek udalerri txikienei eragiten die bereziki, haien ohiko funtzionamendua arriskuan jartzen du
Egoera honi aurre egiteko, Eusko Jaurlaritzak prest ditu berme juridiko handiagoko aldi baterako lan-poltsak eratzeko oinarri berriak, eta aldundiek, berriz, laguntza ematen ari zaizkie beren udal-poltsak sortzea erabakitzen duten udalei
Hiru aldundiek Udalekuak eta Gazte Oporraldiak 2026 programak aurkeztu dituzte, inoiz baino plaza gehiagorekin eta kuota bateratu bakarrarekin.
Arabak guztira 1.695 plaza eskaintzen ditu 7 eta 13 urte bitarteko adingabeentzat
Prezioa 146 eurokoa izango da, ostatua eta mantenu osoa barne
Arabako Foru Aldundiak baso-suteen prebentzioa indartzeko jardunaldiak hasi ditu, udalekin eta administrazio-batzarrekin batera
Zikloa foru erakundeak prebentzioaren arloan iragarritako indartzetik sortu da, baso-plangintza, azpiegituren hobekuntza eta gailu operatiboaren indartzea uztartzen dituzten jarduketekin
Foru Aldundiak giza eskubideen kultura ezarri nahi du bere jarduera guztietan eta eragina duen eremuetan
Iñaki Gurtubai foru diputatuak Arabide aurkeztu du, giza eskubideen eta memoria historikoaren arloko Arabako esparru estrategiko berria
“Ezin da indarkeria batzuekin sentikorra izan eta, beste indarkeria batzuk daudenean, berriz, beste alde batera begiratu; giza eskubideen kulturak koherentzia eskatzen du”
Arabako enpresek kanpo-komunikazioan euskara sustatzeko gakoak aztertu dituzte 'Enpresen Foroa-Araban Euskara Lanean' ekimenaren 2026ko lehen saioan
Gasteizko Europa Biltzar Jauregian egin da urteko lehen topaketa, lurraldeko hainbat erakunde bilduz hizkuntza-kudeaketan sinergiak sortzeko
Puntu EUS Fundazioak eta Konfekoop-ek euren esperientzia eta praktika egokiak partekatu dituzte parte-hartzaileekin
Wine Shapers-ek hitzordu bakarra ospatuko du: kongresu bat, lurraldeko hainbat herritan zeharreko bost ibilbide enologiko eta herritar guztientzat zabalik egongo diren maridaje-afariekin lau esperientzia gastronomiko
Wine Shapers – International Young Talents Summit ekimenak martxoaren 5ean, 6an eta 7an gazte talentu nabarmenen topagunea bilduko du Gasteizen eta Arabako Errioxan. Parte-hartzaileak munduko hainbat herrialdetatik etorriko dira —Frantzia, Italia, Argentina, Mexiko eta Txina, besteak beste—, eta horrela, lurraldearen posizionamendua indartuko da nazioarteko erreferentzia-gune gisa
Martxoaren 6ko jardunaldian, bost ibilbide enologiko egingo dira lurraldeko toki esanguratsuetan, hala nola Getarian, Guardia (Laguardia), Bastidan (Labastida), Samaniegon, Arabako Eskuernagan (Villabuena de Álava) eta Eltziegon. Ibilbideotan Artadi, Remelluri, Marqués de Riscal edo Ostatu bezalako upategi nabarmenak bisitatuko dira, besteak beste, eta bertako ekoizle gazteek gidatuko dituzte
Martxoaren 7an, herritar guztiei irekitako lau esperientzia gastronomiko egingo dira Kromatiko, Kea eta El Puntido jatetxeetan, eta, horrez gain, Sua Basque Fusion eta Kimua arteko lau eskutara egindako proposamen berezi bat ere izango da. Afari bakoitzak 75 euro balioko du pertsonako, eta menu esklusiboa maridajearekin eskainiko da
Martxoaren 5eko jardunaldiak sektorearen erronka nagusietako batzuk aztertuko ditu —mahastizaintza birsortzailea, belaunaldi berriak bultzatutako paradigma-aldaketa eta enoturismoaren bilakaera—, eta horretarako, nazioarteko erreferente nabarmenekin eztabaidak egingo dira: Federica Boffa (Pio Cesare, Italia), Santi del Popolo (Per Se, Argentina), Paloma Sénéclauze (Château Marquis de Terme, Frantzia), Roc Gramona (Gramona, Penedès), Neza Skrt (Aiurri, Arabako Errioxa) eta Manu Michelini (Michelini, Michelini & Muffato eta Dominio del Challao), besteak beste
Foru aldundiek gizarte zerbitzuetan egiten duten ahaleginak aberastasuna, enplegua eta zerga itzulkina sortzen ditu Arabarako
Gorka Urtaran foru diputatuak aurkeztutako azterlan baten arabera, Arabako Foru Aldundiaren gizarte gastuak 428 milioi bultzatzen ditu jarduera ekonomikoan, bai eta 4.200 enplegu baino gehiago ere
Administrazio publikoek Arabako gizarte gastuaren % 44 berreskuratu dute zerga eta kotizazioen bidez
Araba Filma: zinema enpresa aukera gisa Arabarentzat
Arabako Foru Aldundiak, Apikak eta SEAk bost saio antolatu dituzte filmaketen benetako premiei, ekoiztetxeek gehien eskatzen dituzten zerbitzuei eta tokiko enpresentzat lankidetza egonkorrak eta baliozkoak sortzeko moduei buruz
Foru Gobernuaren Kontseiluak onartutako gaien laburpena
Euskadiko instituzio publikoek eta museoek Artearen Euskal Sistemarekin duten konpromisoa indartu dute
• Eusko Jaurlaritzak, Artium Museoak, Arte Ederren Bilboko Museoak, Guggenheim Bilbao museoak eta Tabakalera zentroak artea elementu kultural estrategikotzat jotzen dute Euskadiren garapen komunitariorako, identitaterako eta nazioarteko proiekziorako
• Euskal artisten artelanen erosketa publikorako Bilduma Partekatua ekimenak agerian uzten du sistemak duen ahalmena Euskadin artistentzako aukera- eta errekonozimendu-espazioak eta, era berean, ondare publikoa sortzeko: 2025ean 21 obra sartu dira, eta 2020an abian jarri zenetik 200 baino gehiago
Argitaratu da kultura ondare higiezina zaharberritzeko partikularrek sustatutako esku hartzeetarako dirulaguntza
Deialdiak 100.000 euroko zuzkidura du, eta 30.000 euro arteko laguntzak aurreikusten ditu higiezin bakoitzeko
Eskaerak aurkezteko azken eguna martxoaren 18a izango da
Foru Gobernuaren Kontseiluak onartutako gaien laburpena
Martxoaren 7an, K1 FEKM Emakumezkoen Espainiako Txapelketa, 48 kiloko pisukoa, jokatuko da Mendizorrotzan
Maialen ‘Psychokiller’ Gallardo Marina Pichel katalanaren aurka neurtuko ditu indarrak titulu nazionala eskuratzeko
Kickboxing jaialdiak 36 lehiakide bilduko ditu eta Sergio ‘Dinamita’ Sanchezek Paulo Melo portugaldarra izango du aurkari
Ramiro Gonzálezek iragarri duenez, AFA "prest dago Tubos Reunidos enpresak erakundearekin dituen ordainketa-betebehar guztiak berregituratzeko"
Arabako Foru Aldundia prest agertu da Tubos Reunidos enpresaren etorkizuna bermatuko duen proiektu industrial publiko-pribatu batean laguntzeko
Arabako toki entitateek 12,6 milioi gehiago jasoko dituzte TEFFFren likidazio positiboaren ondoren
Eusko Jaurlaritzaren, Bizkaiko eta Arabako foru-aldundien eta Amurrioko eta Trapagarango udalen bilera Tubos Reunidoseko enpresa-batzordearekin
Algara Dantza Taldeak amaiera emango die bere 25. urteurrenaren ospakizunei otsailaren 21ean Gasteizen
Taldeko kide guztiek parte hartuko dute eta Pirritx, Porrotx eta Marimotots, Xabi Aburruzaga eta Joselu Anayaken laguntza izango dute
Udal Antzoki Sareko leihatilan 250 gonbidapen banatuko dituzte gaur arratsaldetik aurrera
Arabako Foru Aldundiak Bakoren burua duen kutxa ireki du.
Automobilen Industriari Aplikatutako Zibersegurtasun Industrialeko Master berria auto konektatuaren eta fabrika digitalaren erronkei erantzuteko sortu da
Hainbat azterlanen arabera, mundu osoan zibersegurtasuneko 4,8 milioi espezialista behar dira
Foru Gobernuaren Kontseiluak onartutako gaien laburpena
Arabako Diputatu Nagusiak Tubos Reunidoseko langileei babesa adierazi die eta Amurrioko enpresaren etorkizuna bermatuko duen bideragarritasun plana eskatu du
Foru Aldundiak eta Basquetourrek naturguneen erabilera publikoarekin duten konpromisoa indartu dute, eta Natura Behatzeko Topaketa eta Okil Ertaineko Jaialdia sustatu dituzte
Ekitaldiak martxoaren 25etik 27ra egingo dira Gasteizen eta Arabako Izkiko Parke Naturalean
Diputatu nagusiak Guardiako hirigune historikoa berritzeko obrak bisitatu ditu, Erdi Aroko hiribildua zaindu eta modernizatzeko funtsezko esku-hartzea
Arabako Foru Aldundiak jardueraren %79 finantzatzen du 1,2 milioi eurotik gorako ekarpenarekin; oinarrizko azpiegiturak berritzen ditu eta lurpeko segurtasuna indartzen du upategi historikoen egiturarekin
Arabako Foru Aldundia eta María Clé diseinatzailea elkarlanean aritu dira Zeelanda Berriko Ardi Moztzaileen Mundialean parte hartuko duen euskal selekzioa janzteko
Bildumak latxa ardiaren artilea erabiltzen du lurraldeari eta abeltzaintza estentsiboari lotutako tokiko baliabide baten balioa handitzeko
Euskal selekzioa lehen aldiz lehiatuko da Munduko Txapelketa batean, mugarri bat eskilarako eta lehen sektorerako
Zazpi enpresa eta ikastetxe berrik euskararen erabilera areagotzeko konpromisoa hartu dute, eta Eskuara Zerbitzua baliatuko dute horretarako
Une honetan 30etik gora enpresa eta Lanbide Heziketako zentro dira Eskuara proiektuaren kide
Gasteizen egindako aitortza ekitaldian aurkeztu dute 2026an egingo duten bidea
Eskuara komunitateko kide egin dira honako enpresa hauek: Zaraobe, Eraiken, Artomaña txakolina, Oreka IT, RPK, Amets SL eta Mekatxaber
Arabako 25 kirolari, erakunde eta enpresa aitortuko dituzte Gure Kirola Sariak galan iaz izandako lorpenengatik
2025eko merezimenduengatik emango dira sariak, eta, horrez gain, erakunde, enpresa laguntzaile eta etorkizun handiko kirolariak sarituko dira
Gasteizko Udalak eta Arabako Foru Aldundiak gala honen bosgarren edizioa antolatu dute otsailaren 12an Europa Jauregian
Umbra Light Festival jaialdiaren bosgarren edizioa hasiko da bihar, ostirala, argiak pizteko ekitaldi solidario baten bidez
Montes Solidarios elkarteak argiak pizteko botoia sakatuko du 19:00etan Espainiako plazan
"Batzen gaituen argia" lelopean, edizioak 19 instalazioz osatutako ibilbide ikusgarria du.
EDA Drinks & Wine Campus Gasteizko egoitza eraikitzen hasi da
Ekitaldia Gasteizen egin da, eraikina altxatuko den tokian, eta bertan izan dira Imanol Pradales, lehendakaria; Ramiro González, Arabako diputatu nagusia; Maider Etxebarria, Gasteizko alkatea; Vicente Atxa, Basque Culinary Centerreko patronatuko presidentea eta Mondragon Unibertsitateko errektorea; eta Joxe Mari Aizega, Basque Culinary Centerreko zuzendari nagusia.
Ekitaldi sinbolikoa izan da, eta hiriko eta probintzia osoko hainbat elkarte eta taldetako ordezkariak bildu ditu, bai eta izen handiko edari batzuen egileak ere.
Gasteizko egoitzak 5.000 metro karratu inguruko azalera izango du, eta lau laborategi, zortzi tailer, zentzumen-azterketetarako bi areto eta bi sukaldaritza-tailer. Horietaz gain, edariak egiteko instalazio pilotu bat eta izaera esperimentaleko drinks bar bat ere izango ditu.
Foru garraioak marka historikoa ezarri du 2025ean, 2,7 milioi bidaiarirekin
Eskaria % 11 hazi da 2024ko datuekin alderatuta
Jon Nogales: "Hazkunde horrek erakusten du Arabako herritarrek garraio publikoaren alde egiten dutela beren beharrei erantzuten dien eskaintza bat eta prezio erakargarriak jartzen dizkiegunean eskura"
Lurraldeko Ibilbide Berdeen Sareak bere erabilera sendotu du, urtean 650.000 pertsona baino gehiagorekin
Sareak 1.000 kilometro baino gehiago ditu gaituta, eta Vasco-Navarro trenbidearen bide berdea da erabiliena
Foru erakundea Nerbioiko parke linealeko Saratxo-Urduña tarterako aukerak eta proiektua aztertzen ari da