Photoformas Naturari buruzko X. Argazki Lehiaketaren erakusketa jada ikus daiteke Natura Zientzien Museoan - prentsa
Photoformas Naturari buruzko X. Argazki Lehiaketaren erakusketa jada ikus daiteke Natura Zientzien Museoan
Txapelketako sariak abenduan eman ziren, eta lan irabazlea, bi akzesit eta erakusketa egiteko aurkeztutako 261 argazkietatik 27 aukeratu ziren
2025eko ekainaren 30era arte egongo da
Gasteiz, 2025eko urtarrilaren 31. Joan den abenduan egin zen Photoformas Naturari buruzko X. Argazki Lehiaketaren sari banaketa BIBAT Museoan. Alavesia Natura Zientzien Museoaren Lagunen Elkarteak antolatzen du lehiaketa, museoaren beraren eta Arabako Argazkilaritza Elkartearen laguntzarekin.
Erakusketa dagoeneko ikusgai dago Arabako Natura Zientzien Museoan 2025eko ekainaren 30era arte, eta lehiaketara aurkeztutako 261 lanetatik 30 daude erakusgai.
Photoformas sariak
Lehenengo saria Gotzon Ameztoi Arribasen (Gasteiz) "Hirukoa" obrarako izan zen, eta bi akzesitak, berriz, Alejandro Carnicero Solanasen "A contraluz" lanarentzat (Chiclana de la Frontera, Cádiz) eta José Luis Gigirey Gonzálezen "Al acecho" lanarentzat (Ames, A Coruña). Erakusketak 27 argazki gehiago sartu ditu urtarrilerako aurreikusitako katalogorako eta erakusketarako.Aurten 138 argazkilarik hartu dute parte lehiaketan eta, guztira, 261 lan onartu dira lehiaketarako.
Epaimahaikide izan dira Ana García Hermoso, Arabako Argazkigintza Elkartearen ordezkaritzan; Carlos Hermosilla, naturalista eta argazkilaria; eta Patxi Heras, botaniko, landare argazkilari eta Alavesiaren Zuzendaritza Batzordeko kidea.