Museoen Foru Sareak 7 jarduera programatu ditu hilaren 18an izango den Museoen Nazioarteko Egunerako - prentsa

Gasteiz, 2024ko maiatzaren 15a.  Maiatzaren 18an, duela 40 urte baino gehiagotik hona urtero bezala, Museoen Nazioarteko Eguna izango da, eta helburua da herritarrak museoek duten garrantziaz kontzientziatzea: kultura hartu-emanetarako, kulturak aberasteko, eta herriek elkar uler dezaten, elkarlanean aritu daitezen eta bakean bizi daitezen.  Aurten, nazioarteko leloa "Museoak hezkuntza eta ikerketaren alde lanean" da.

Testuinguru horretan, Museoen Foru Sareak zazpi jarduera programatu ditu egun horretarako, besteak beste bi erakusketa, bi hitzaldi eta sari banaketa bat.

• Maiatzak 15: "Ibilbideak" erakusketaren inaugurazioa jendearentzat, Arabako Arte Ederren Museoan. Urtarrilera arte egongo da zabalik.

• Maiatzak 15: "Maria Antonia Proietti, italiar modeloa" erakusketaren inaugurazioa jendearentzat, Arabako Arte Ederren Museoan. Urtarrilera arte.

• Maiatzaren 16an, 18:30ean, "VIT Herbarioa ikerketarako eta hezkuntzarako baliabide gisa" izeneko bisita gidatua Hibridalab eraikinean, Patxi Heras eta Marta Infanteren eskutik.

• Maiatzaren 17an, Irene Zottolaren "Ikaro" erakusketaren inaugurazioa jendearentzat. Ekainaren 23ra arte egongo da zabalik. Aurkezpena prentsaurrekoan egun bat lehenago.

• Maiatzaren 18an, 11:30ean, "Nire artelan gogokoena" haurrentzako 10. marrazketa lehiaketako sari banaketa Bibat Museoan.

• Maiatzaren 18an, 12:00etan, “El libro como obra de arte” hitzaldia Arabako Arte Ederren Museoan; hizlaria: Celina Valdivia.

• Maiatzaren 22an, 19:00etan, "El arte bajo la lupa de la ciencia" hitzaldia BIBAT Museoan; hizlaria: Oskar González.

Hitzaldien sarrera doan izango da, tokiak bete arte

Arte Ederren Museoa

Hain zuzen ere, gaur bertan inauguratu eta aurkeztu dira Arabako Arte Ederren Museoko erakusketak.

Lehenik eta behin, sarrera gelan "Ibilbideak" erakusketa egongo da ikusgai urtarrilera arte. Juan de Echevarriaren, Gustavo de Maezturen eta Angel Olarteren obrak biltzen ditu eta, horren bidez, museoak beste ikuspegi batetik jendarteratu nahi du bilduma.

Bigarrenik, kabinete aretoan, "Maria Antonia Proietti, italiar modeloa" erakusketa egongo da ikusgai, hura ere urtarrilera arte. Arabako bi margolari garrantzitsuenen koadro batzuk dira, hiru pertsonaien —pintoreak eta modeloa— maitasun eta adiskidetasun bizitzaren zati bat kontatzen dutenak.

Biei buruzko informazio guztia txosten banatan erantsi da.