MagialdiArabaren XI. edizioak ilusioa eramango du lurraldeko 18 herritara - arabapress
MagialdiArabaren XI. edizioak ilusioa eramango du lurraldeko 18 herritara
Jaialdiak berriz ere prestakuntza, sorkuntza eta zabalkundea bateratuko ditu abuztuaren 28tik irailaren 14ra
Gasteiz, 2025eko uztailaren 11. MagialdiArabak hamaikagarren urteurrena beteko du. Lurraldeko 18 herritan egingo du bisita, eta ilusioa eramango du abuztuaren 28tik irailaren 14ra bitartean.
Magia jaialdiak berriz ere prestakuntza, sorkuntza eta zabalkundea bateratuko ditu, eta Gasteizen irailaren 15etik 21era bitartean gauzatuko den Magialdiaren atarikoa izango da. Bi jaialdien artean 25 programazio egun izango dira guztira.
Gaur aurkeztu dute Ana del Val Kultura eta Kirol Saileko foru diputatuak, Arantxa Ibañez de Opacua Vital Fundazioko zuzendariak eta Jose Ángel Suárez jaialdiko zuzendariak.
MagialdiAraba, beraz, Arabako 18 herritan egingo da. Programa horren barruan egongo dira hurbileko magia emanaldiak eta haurrentzako eta adinekoentzako magia lantegiak, Asier Kidam, Tor Magoa, Hodei Magoa, Imanol Ituiño, Txoborro Magoa eta Mago Altrius artisten eskutik.
Lantegi guztiak euskaraz eskainiko dira. MagialdiAraba proiektua Arabako Foru Aldundiko Kultura eta Kirol Sailak eta Vital Fundazioak finantzatutako proiektua da, parte hartzen duten udalen laguntzarekin.
Abuztuaren 28a BERANTEVILLA
Abuztuaren 29a PIPAON
Abuztuaren 30a AZAZETA
Abuztuaren 31 LANTZIEGO - GOIZEZ
Irailaren 01a URIBARRI GANBOA
Irailaren 02a ARTZINIEGA - ADINEKOAK
Irailaren 03a GILLERNA
Irailaren 04a RIBABELLOSA - ADINEKOAK
Irailaren 05a ESKUERNAGA
Irailaren 06a POBES
Irailaren 07a BERGANZO - GOIZEZ
Irailaren 08a LAUDIO