AFANISek ‘Oporrak Bakean’ programa datorren udan berrabiaraztea espero du, pandemiagatik bi urtez etenda egon ondoren - arabapress

Vitoria-Gasteiz, 2021eko azaroak 23. Arabako Foru Aldundiak, Gasteizko Udalak eta Arabako Saharar Haurrak Hartzeko Familien Elkarteak (AFANIS) omenaldia egin diete gaur arratsaldean Saharako errefuxiatuen kanpamenduetatik datozen haurrak hartzen hamarkadak daramatzaten Arabako familiei. Europa Biltzar Jauregian egindako ekitaldiak eskuzabaltasuna aitortu eta eskerrak eman nahi izan dizkie “Oporrak bakean” udako bi hilabeteetan, azken 35 urtetan zehar, aldi baterako harrera programa posible egin dutenei.

Oporrak bakean programaren helburua Arabako gizartea sentsibilizatzea, da eta, aldi berean, programako haurrek bi hilabetez basamortuko eguneroko errealitateak ematen diena ez den beste errealitate batez gozatzea, laguntza medikoa eta elikadura orekatua emanez. COVID-19aren pandemiaren ondorioz, programa bertan behera utzi behar izan da aurreko bi edizioetan (2020ko eta 2021eko udak), baina datorren urtean berrabiaraztea espero du.

Ramiro González diputatu nagusiak eta Gorka Urtaran Gasteizko alkateak parte hartu duten arratsaldeko ekitaldian, Jon Armentia Udaleko Garapen Lankidetzarako zinegotzia ere izan da. Halaber, ekitaldiaren amaieran, harrera horien sustatzaile eta Arabako hiriburuko garapenerako lankidetzaren bultzatzaile izandako José Ángel Cuerda alkate ohia izan da, bertan, labur-labur bada ere hitza hartu duelarik.

Bere hitzaldian, Ramiro González diputatu nagusiak “aintzatespen publiko honen garrantzia” nabarmendu du, “eskuzabaltasun, elkartasun eta konpromisoagatik; adibide bihurtzen zaituzten lan eta dedikazioagatik”. Zentzu honetan, “zuen ezaugarri den eskuzabaltasuna” aipatu du, “orain bultzada hartzeko balio behar diguna. Eta, elkarrekin eta eskutik, Arabako familientzat hain garrantzitsua den programa hau berriro aktibatzea”.

Gorka Urtaran alkateak, bere aldetik, eskerrak eman dizkie “gerratik haurrak urrundu dituzuen familia askoren konpromiso moral, politiko eta humanitarioagatik. Izan ere, familia horiek zaintzak eman dizkiezue, eta, garrantzitsuena, zuen maitasuna eta konpromisoa. Haur horien begietatik jakin ahal izan dugu okupazioak zer esan nahi duen errefuxiatuen eguneroko bizitzarako bost kanpalekuetan”. Alkateak gogorarazi duenez, “Nazio Batuek garapen jasangarriko helburuak lortzen laguntzeko deia egin digute tokiko agintariei. Gasteiz bezalako hiri bat, Green Capital europarra izateaz harro dagoena, ziur gaude 2030 Agendaren maila anitzeko estrategiarekin bat egiteaz gain, bakea, justizia eta erakunde sendoak lortzeko ere egin behar dugula lan. Bizi naizen hiria erreferentea, sustatzailea eta eredugarria da Giza Eskubideen defentsan, eta guretzat nahi duguna besteentzat ere nahi dugu”.