A-1 autobiako gaueko zirkulazioa etetea Argantzongo eta Arminongo lotuneen artean, Burgoserako norabidean - prentsa
A-1 autobiako gaueko zirkulazioa etetea Argantzongo eta Armiñongo lotuneen artean, Burgoserako norabidean
Martxoaren 11, 12, 13 eta 14an izango da, 22:30etik 05:30era, seinale atariak jartzeko eta erdibitzailean lanak egiteko
Zirkulazioa CL-127 eta N-1 errepideetatik desbideratuko da
Gasteiz, 2025eko martxoaren 10a.- Armiñongo lotunea handitzeko eta hobetzeko obrak gauzatzeak A-1 autobiako zirkulazioa eten beharra ekarriko du Burgos/Madrilerako noranzkoan, gauez, aste honetako egun batzuetan. Zirkulazioa eteteak eragina izango du Argantzon eta Amiñonen arteko lotuneetan, eta martxoaren 11, 12, 13 eta 14an izango da, 22:30etik 05:30era, seinaleztapen atari berriak jartzeko eta erdibitzailean lanak egiteko.
Etenen iraupen programatua honako egun eta ordutegi hauetan izango da:
-
Martxoaren 11ko 22:30etik (asteartea) martxoaren 12ko 05:30era (asteazkena).
-
Martxoaren 12ko 22:30etik (asteazkena) martxoaren 13ko 05:30era (osteguna).
-
Martxoaren 13ko 22:30etik (osteguna) martxoaren 14ko 05:30era (ostirala).
Egun eta ordu tarte horietan, zirkulazioa CL-127 errepidetik desbideratuko da, errepide horren eta N-I zaharraren arteko lotuneraino, eta handik bideratuko da zirkulazioa Armiñongo lotuneraino. Bertan, ibilgailuek beren ibilbideari berriro helduko diote kasuan kasuko adarretik (batez ere AP-1 Burgos/Madrilerako norabidean eta A-1 Miranda de Ebrorako eta Logroñorako norabidean -N-124-).
Argantzongo lotunetik Madrilerako irteeran ere zirkulazioa etengo da; beraz, CL-127tik Madrilerako noranzkoan joan nahi duen zirkulazioak ibilbide alternatiboa erabili beharko du N-I zaharretik.
Proposatutako desbideratzea bat datorrenez A-1 errepidearen ibilbide alternatiboarekin (Burgoserako/Madrilerako noranzkoan), zeina zirkulazio operazio berezietarako seinaleztatuta egoten baita, operazio horietarako Argantzongo lotunean (334. irteera) eta CL-127 errepidearen eta N-I errepide zaharraren arteko lotunean jarritako seinaleak erabiliko dira. Seinaleztapen hori seinaleztapen langileek indartuko dute ibilbide alternatiboaren hiru lotuneen norabide aldaketetan.
Aurreikusitako lanak egiten diren bitartean, ezin izango da garraio berezirik ibili A-1 autobiaren tarte horretan, beheranzko noranzkoan (Irun-Madril noranzkoan).