Euskal partzuergoa Talgon sartzeko akordioa berri bikaina da Arabarentzat - prentsa
"Euskal partzuergoa Talgon sartzeko akordioa berri bikaina da Arabarentzat”
Ramiro González diputatu nagusiak adierazi duenez, "Talgo bihotz eta arima arabarrak dituen enpresa da, eta erabaki-zentroa gure lurraldera itzultzeak gure industria-nortasunaren ezaugarrietako bat berreskuratzea dakar"
Vitoria-Gasteiz, 2025eko otsailaren 14a. Ramiro González ahaldun nagusiak gaur adierazi duenez, Sidenorreko presidente José Jainaga buru eta Eusko Jaurlaritza eta Caja Vital Kutxa eta Bilbao Bizkaia Kutxa fundazioak partaide dituen euskal partzuergoak Trilantic funtsarekin lortutako akordioa enpresaren akziodunetan sartzeko "aparteko albistea da Arabarentzat. Gure industria-sarea indartzea dakar, lurralde osoari egiten dio mesede, bereziki, Talgoren hornitzaile arabarrei, eta aukera berriak irekitzen dizkie gure enpresei ".
Era berean, ahaldun nagusiak adierazi duenez, "operazio honek sinbolismo handia du Arabarentzat. Talgok bihotz eta arima arabarrak ditu, eta erabakigunea gure lurraldera itzultzeak gure industria-nortasunaren ezaugarrietako bat berreskuratzea dakar ".
Ramiro Gonzálezek azpimarratu nahi izan du, halaber, zein formularekin ekin zaion operazio horri, lankidetza publiko-pribatu, Eusko Jaurlaritzaren lidergo instituzional eta Caja Vita Kutxa eta Bilbao Bizkaia Kutxa Fundazioen parte-hartzearen bidez. "Lankidetza-formula hau gure enpresek une honetan dituzten erronka garrantzitsuei aurre egiteko eta gure industria-sarea indartzen jarraitzeko bidea da" adierazi du ahaldun nagusiak.