BIBAT museoak "Gure historia. Euskal Herria 1500 eta 1850 bitartean" izeneko hitzaldi zikloa hartuko du - prentsa

Gasteiz, 2025eko otsailaren 24a. Euskal Herriko Unibertsitateak (EHU), Foru Aldundiko Kultura eta Kirol Sailaren mendeko BIBAT Arabako Arkeologia Museoarekin lankidetza estuan, Gure historia. Euskal Herria 1500 eta 1850 bitartean izeneko zabalkunderako hitzaldien zikloa antolatu du, Euskal Herriaren historiaren zenbait alderdi aztertzeko.

Ekitaldi horretako protagonistak Filologia eta Historia Saileko doktoregai gazteak dira, eta ikertzen dituzten gaiei ahotsa eman nahi diete, modu atseginean eta entretenigarrian.

Helburua da unibertsitatean gazteek egiten duten lana ezagutzera ematea, eta azken ikerketen emaitzak jendearekin partekatzea. Ororen gainetik, unibertsitatearen eta herritarren arteko lotura handiagoa sustatu nahi da, "galderak egiteko gune ireki bat ahalbidetuz, interesdunek gure historiaren alderdi berriak eta ezezagunak ikas ditzaten. Izan ere, gutxi batzuek aztertu arren, guztioi dagokigun ondare komuna da", adierazi dute.

Ekitaldian honako hauek hartu dute parte: Pablo Presumido Casado, Nafarroako Erresumaren historia politikoan espezializatua; Jon Mata Gainzarain, medikuntzaren historia eta XVIII. mendearen amaieraz geroztik arlo horretan izandako aurrerapenak oso ondo ezagutzen dituena; Edurne Garrido Conde, klase herrikoien pentsamoldea, kezka politikoak eta interesak hobeto ulertzea ardatz dituen lanak egiten dituena; Xabier Iñarra San Vicente, mentalitateen historian aditua eta euskara aingerutarraren azterketan diharduena (euskararen jatorri jainkotiarraren ikuspegi berezi bat defendatzen zuen mugimendua); eta Mikel Larrinaga Ortiz, pobrezia, eskaletasuna eta pobrezia horri aurre egiteko ospitale eta aterpetxe gisa erabiltzen ziren zentroak aztertzen dituena.

Haiek guztiek askotariko gaiak lantzen dituzte, baina kezka handi bat dute amankomunean: historiako protagonistak hobeto ezagutzea, eta "gure lurraldean duela zenbait mende bizi izan zirenei aurpegia eta izena jartzea". Ziklo horretan ez da "gertaera handien" historia proposatzen; aitzitik, askotariko bizipen eta errealitateen kontakizuna proposatzen da, zeinek lagunduko baitute hobeto ulertzen "gizartea nola antolatzen zen, nola bizi ziren, zer kezka zituzten eta zer zailtasun zituzten gaur egungoez oso bestelako gizarte eta ekonomia egoerak zituzten garai hartan", azaldu dute. 

Hitzaldiak martxoaren 6an, 13an, 20an, 27an eta apirilaren 3an izango dira (ostegunetan), 19:00etan, BIBAT museoko ekitaldi aretoan (Aiztogile 54, Gasteiz).

Hauek dira proposatutako hitzaldiak:

• Martxoaren 6a: "¿Un rey autoritario o un reino con autonomía? El reino de Navarra en la Edad Moderna" (Pablo Presumido Casado)

• Martxoaren 13a: "Entre tradición y modernidad: La salud y la enfermedad en el País Vasco" (Jon Mata Gainzarain)

• Martxoaren 20a: "Más allá del mito: La Inquisición como mecanismo de represión y control social" (Edurne Garrido Conde)

• Martxoaren 27a: "¿Adán y Eva hablaban en euskera? Cómo se explicó el origen de los vascos antes del siglo XX" (Xabier Iñarra San Vicente)

• Apirilaren 3a: "Desigualdad entre iguales: Mendigos y vagos en el País Vasco" (Mikel Larrinaga Ortiz)