URBIDE ur partzuergoak bere sarera batu ditu Artziniegako eta Arratzua-Ubarrundiako udalak eta Soxo eta Zuhatzako administrazio batzarrak - arabapress
URBIDE ur partzuergoak bere sarera batu ditu Artziniegako eta Arratzua-Ubarrundiako udalak eta Soxo eta Zuhatzako administrazio batzarrak
URBIDEk 104 toki erakunde bazkide biltzen ditu, Araban uraren zikloaren kudeaketa integrala egiteko.
Vitoria-Gasteiz, 2021eko abenduaren 22a. URBIDE ur partzuergoak batzar orokorra egin du, eta bertan jakinarazi du Artziniegako eta Arratzua-Ubarrundiako udalak eta Soxo eta Zuhatzako administrazio batzarrak sartu direla bere sarean. Erakundeak, gainera, Agurainen eta Jokanoren uraren ziklo integrala kudeatzeko eskaerak onartu ditu.
Erakunde horiek sartuta, URBIDEn dagoeneko 104 dira erakunde atxikiak, eta partzuergoak aurrera jarraitzen du Arabako uraren ziklo integralaren kudeaketan tokiko erakundeei laguntzeko helburuan. Hain zuzen, kudeaketa horrek barnean hartzen ditu ura hartzea, biltegiratzea, edangarri bihurtzea, hornitzea, saneamendua eta ibaietara itzuli aurretiko arazketa.
URBIDEk egiten duen uraren kudeaketa integrala bat dator ingurumenaren arloko Europako araudiarekin, eta, beste abantaila batzuen artean, gerta daitezkeen ezustekoen aurrean erantzuteko ahalmen handiagoa eskaintzen du, baita ibaietara egiten diren isurketak nabarmen murriztea ere.
Datorren ekitaldiari begira, URBIDE ur partzuergoak behin betiko onetsi ditu zerga ordenantzak eta 2022rako aurrekontua (6.316.000 euro).