Foru Aldundiak eguneratu egin du kalitatearen web ataria gizarte zerbitzuetako arretan, modernoagoa eta intuitiboagoa eginez - arabapress

Gasteiz, 2022ko otsailaren 10a. Arabako Foru Aldundiko Gizarte Politiken Sailak eguneratu egin du Gizarte Zerbitzuetako arretaren Kalitatearen web ataria, gizarte zerbitzuetan ematen den arreta hobetzen jarraitzeko eta helburu hori lortzeko tresna baliagarria izateko.

Irudi aldaketaz gain (modernizatua eta intuitiboagoa), berrikuntzak Twitterreko kontuaren bidez (@ArretaKalitatea) jarraitzeko eta jasotzeko aukera ematen da.

www.ifbscalidad.eus/eu/ web orria, beraz, ezinbesteko elementua da gizarte zerbitzuetan interesa duen ororentzat eta, bereziki, Arabako baliabide eta zerbitzu soziosanitarioetako profesionalentzat, Hirugarren Sektore Sozialeko erakundeentzat eta kudeatzaileentzat, bai eta gai horretan espezializatutako ikastetxeetan, unibertsitateetan eta ikerketa zentroetan laguntzeko ere.

 Kalitatearen atariak ikusgarritasuna ematen die GOFEk sustatutako kalitate ekimenei eta profesionalek, senideek eta erabiltzaileek bere esparruan egindako ahaleginari, diseinatutako eta aplikatutako material guztietarako sarbidea erraztuz, hala nola eskuliburuak, jardunbide egokien gidak, kalitatea ebaluatzeko eta bermatzeko metodoak.

 Era berean, zerbitzuetako arretaren kalitatea hobetzeko interesa dutenei laguntza praktikoa emateko ere balio du, honako hauen bidez:

• Jardunbide egokien gomendioen banku bat, erraz kontsultatzeko modukoa, gomendio bakoitzaren edukira zuzenean sartzeko aukera ematen duena.

• Tresna banku bat, eskuratu ahal izateko arretaren kalitatea ebaluatzeko eta bermatzeko metodoak eta arreta estandarren hautapen bat.

• Liburutegi birtuala, etengabe eguneratua.