Ajuria foru egoitzari berriz ere saria eman diote erizaintza talde onena duen estatuko zentro onenetariko bat izateagatik - arabapress

Gasteiz, 2025eko ekainaren 24a. Ajuria foru egoitza adinekoentzat da, eta gaur goizean Madrilen jaso du Erizaintzako Elkargo Ofizialen Kontseilu Nagusiak emandako aitorpena; hau da, 2024an estatuko egoitza zentro onenetako bat izateagatik emandako aitorpena. Erizaintza Ospearen Monitorearen (MRE) sailkapenaren arabera, zeina erizaintzako 2.000 profesional inguruk eta estatu osoko 300 kudeatzailek taxutu baitute, arreta eta kudeaketaren arloan ospe onena duten zentro soziosanitarioen estatuko sailkapeneko 3. postuan dago Ajuria egoitza. 

Ajuria zentro publikoa da, Gasteizen dago eta Gizarte Ongizaterako Foru Erakundearen (GOFE) mendekoa da. Mendeko pertsona adindunentzako 106 plaza ditu, beste 35 eguneko zentro, eta 200 langile baino gehiago ditu. 

Zentroaren izenean, Javier Arizkuren zuzendariak eta Oihana Díez Martínez eta Izaro Azkunaga egoitzako erizaintzako gainbegiraleek jaso dute saria gaur goizean. Erizaintzako Kontseilu Nagusiaren egoitzako ekitaldira, zeinetan saritutako egoitza zentroei sariak eman baitzaizkie, Gorka Urtaran Gizarte Politiken Saileko foru diputatua ere joan da, eta Ajuria egoitzako talde osoa zoriondu du Arabako Foru Aldundiaren eta Gizarte Ongizaterako Foru Erakundearen izenean (GOFE).

Erizaintzako Elkargo Ofizialen Kontseilu Nagusiak, Erizaintzako Ospearen Monitorearekin lankidetzan (MRE), arreta soziosanitarioko zentroen artean egiten duen sailkapen bat da, nahiz eta ezagunak diren estatuko ospitale onenen sariak ere. Elkargoak profesionaltasuna eta bikaintasuna aitortu ditu sari horiekin; hain zuzen ere, erizainen iritziz estatuko egoitza zentrorik onenak direnen profesionaltasuna eta bikaintasuna, eta erizain horiek bere balorazioarekin parte hartu dute.

Ez da lehenengo aldia Ajuria foru egoitza erakunde horrek berak aitortzen duela erizainen kudeaketa lanagatik. Hala, sari bat jaso zuen 2021eko sailkapenean, 10. postua izateagatik. GOFEren beste egoitza batek, hau da Samaniegok, aitorpen bat jaso zuen estatuko onenen artean 5. postua lortzeagatik 2022ko sailkapenean.

Gorka Urtaran pozik agertu da estatu osoko erizaintzako profesionalek Arabako foru egoitzetako bat erreferentziatzat hartu dutelako. “Arabako Foru Aldundiaren zerbitzuak puntakoak dira, bai eta erreferentzia ere, antzeko beste zerbitzu batzuentzat estatu osoan. Erabiltzaileen arretaren kalitatea hobetzeko lanean sakontzen jarraitu behar dugu”, ziurtatu du. Halaber, garrantzia eman dio adinekoentzako foru egoitzetako langile guztien ahaleginari eta konpromisoari, eta “Ajuria Egoitzako erizain taldearen bikaintasun humanoa eta profesionala” azpimarratu ditu.