Marcelo Donadello, Ignacio Aldecoa sariduna - arabapress
Marcelo Donadello, Ignacio Aldecoa sariduna
- Argentinarra, Santo Tomé-n bizi dena, "La Virgen de tergopol" ipuinarengatik, orain Chéljelon eleberria argitaratu du, saritutako istorioa barne duen kontakizun konstelazio bat.
- Mikel Ayllón, Oskar Gaztelu eta Jose Ignacio Lópezekin partekatuko du hilaren 13an emango den Arabako Literatura Lehiaketako saria
Vitoria-Gasteiz, 2023ko apirilaren 3a. Marcelo Donadello da gaztelaniazko ipuinen Ignacio Aldecoa sariaren irabazlea, "La Virgen de tergopol" izeneko ipuinarengatik.
Mikel Ayllón, Oskar Gaztelu eta Jose Ignacio Lópezekin partekatuko du apirilaren 13an emango den Literatura Lehiaketako saria.
2021. urteaz geroztik, Arabako Foru Aldundiak Fulgencio Pimentel argitaletxearekin lankidetzan (literaturan eta komikian espezializatutako marka independente gaztea) antolatzen du gaztelaniazko Ignacio Aldecoa saria, lehiaketari bultzada berria eman eta indartzeko helburuaz.
Orain, argitaletxeak Donadelloren ´Chéljelon´ argitaratu du, 255 orrialdeko eleberri bat, «kontakizun konstelazio gisa sortua», barnean saritutako istorioa duena.
Chéljelon
Aitak ipuin bat kontatzen dio alabari. Jainkoa maitaleak bisitatzera dator. Hegazti harrapari batek oihu egiten du zuhaitzetik. Atrezzoko Ama Birjina bat zerutik jaisten da zelaiaren erdira. Pertsonaiak egunetan zehar ahalegintzen dira, haiek mehatxatzen dituzten marko handiagoez jabetu gabe, baina sentsazioa da herriek, aroek, definizioek zeharkatzen dituztela beraiek. Tonua zabortegian nagusitzen den lorearena da, eta hizkuntza konbentzioak axola ez zaizkion bat, ez haiei jarraitzeko, ez aurka egiteko ere.
«Chéljelon» (tximeleta, tehuelche hizkuntzaz) konstelazio baten izena da, gutxi gorabehera greziarrek Orion, Eroa edo Ehiztaria deitzen zutena. Liburuaren gainetik dabilen galdera hau da: ez den tximeleta batek hegoei eragitean zerbait alda dezakeen zeruan edo lurrean.
Donadello
Marcelo Donadello Santo Tomé-n jaio zen, Argentinan, 1966ko irailaren 28an. Bizitza guztia musika-irakaskuntzan eman du. Beti musika eta abestiak egin ditu. 2000. urtetik aurrera, bere lehenengo ipuinak idazten hasi zen. Dosierrean informazio gehiago dago.
Donadellok apirilaren 13an Gasteiz bisitatuko du, saria jasotzeko, eta, gainera, hitzaldi bat eskainiko du. Bertan, liburua Kultura Etxean aurkeztuko du, hilaren 14an, 19:00etan, César Sánchezekin eta Jon Bilbaorekin elkarrizketan, eta Liburuaren Eguna dela-eta antolatutako jardueren barruan. Gainera, hilaren 12tik 14ra arte Gasteizen egongo da, elkarrizketetarako prest. Ondoren, Logroño eta Madril bisitatuko ditu.