Guztira 675 partaide izan dira ALDECOA Ipuin Literarioaren Nazioarteko II. Jaialdian - prentsa

Gasteiz, 2025eko martxoaren 19a.  Ignacio Aldecoa Kultur Etxeak martxoaren 11tik 15era bitartean antolatu du "Aldecoa Ipuin Literarioaren Nazioarteko Jaialdia"ren bigarren edizioa, "Ipuina mugan. Ipuinaren mugak" izenburupean. Jaialdiaren asmoa da lurraldean dagoen potentziala aprobetxatzea, Aldecoaren figurari esker Araba "ipuinaren erreferente bihurtzeko, jadanik dena baino gehiago".

Bigarren edizioa ere "arrakastatsua izan da", Ana del Val Kultura eta Kirol Saileko diputatuaren hitzetan, eta 675 partaide izan ditu guztira, lehenengo edizioan (400 partaide) baino %40 gehiago. Programatu den ekitaldiko, 65 partaide izan dira.

Ekitaldi jendetsuenak honakoak izan ziren: batetik, Eider Rodríguez eta Verde Pratoren irakurketa musikatua, Izaskun Arrue Kulturguneko Gasteiz Antzokia bete zuena, eta, bestetik, “Filandón posmoderno”, Luis Mateo Díez, Jose María Merino eta Juan Pedro Aparicioren eskutik, Ignacio Aldecoa Kultur Etxeko aretoa bete zuena.

Aldecoa jaialdiak aurten Cervantes sari bat, Aldecoa bost sari, Espainiako letren bi sari nazional, Euskadi Literaturako zazpi sari, Narratibako lau sari nazional eta Kritikako bost sari nazional bildu ditu Araban.

"Luxuzko" programazio bat, Del Valek dioenez, zeinak Juan Montielen (Ignacio Aldecoa Nazioarteko Ipuin Sariaren azken edizioko irabazlea) eta Ainhoa Urien Telletxeren (Ignacio Aldecoa literatura sorkuntzarako bekaren irabazlea) lanak goraipatu baititu.

Proposatu diren guneetara, bereziki, jaialdiaren egoitza nagusira, Ignacio Aldecoa Kultur Etxera, hurbildu den jendeak arretaz entzun die bigarren edizio honetako gonbidatuei, eta haiekin partekatu ditu ipuin literarioari buruzko gogoetak.

"Ipuina inoiz baino biziago dagoen intuizioarekin sortu zen proiektu hau, eta, ikus-entzuleen erantzun onak berretsi egin du hori azkenean. Irakurle bakoitzaren arretazko begiradak ipuina osatzen duen bezala, ikusleen entzute aktiboak proiektu honen zentzu guztia berresten du" adierazi du Del Valek.

Azpimarratu behar da literatura hitzordu honetako bigarren urtean, hainbat laguntzaile izatea lortu dela: UPV/EHU, IAK, Zuloa, Mara-Mara eta Elkar liburu dendak, Gasteizko Liburutegien Sarea, Florida zinemak, Radio Vitoria, Alea, Geu Elkartea.

Aldecoa jaialdia "geratzeko jaio da", eta Arabara nazioarteko kontakizun laburraren munduko izen entzutetsuak erakarri nahi ditu, literatura generoaren izaera unibertsala azpimarratuz eta euskarazko zein gaztelaniazko sorkuntza zabalduz.

Champourcin Poesia Saria

Aurten, literatura sarien irabazleen aintzatespenak aldaketa txiki bat izan du, orain arte sari horiek gala berean ematen baitziren. "Aldaketa hori ez da kasualitatea, eta lehiaketa bakoitzaren balioa, Aldecoa zein Champourcínena, bere berezitasunekin nabarmentzeko ahaleginean sartzen da”, adierazi du foru arduradunak.

Horrexegatik, lehen esan bezala, Nazioarteko Ipuin Jaialdian eman zitzaizkien aintzatespenak Aldecoa sarien irabazleei. Eta Ernestina de Champourcín Lehiaketaren sariak martxoaren 21ean, ostiral honetan, emango dira, Poesiaren Munduko Egunean. 18:30ean izango da Kultur Etxean, eta Elisa Rueda Poetak maiatzean jaialdiaren zuzendariak aurkeztuko du honako hauek aintzatesteaz gain: Ane Labaka, "Hezur berriak" poema bildumagatik, euskarazko modalitatean

• Ane Labaka con el poemario “Hezur berriak” en la modalidad euskara

• Beñat Arguinzoniz, "La inesperada" poema bildumagatik, gaztelaniazko modalitatean

            Ekitaldiaren ondoren Hitzordua poesiarekin zikloko martxoko saioa egingo da.  19:00etan, "Topaketa Neus Aguado, Tere Irastortza eta Isabel Marinarekin (Katalunia-Euskadi-Asturias)"

            Azkenik, nabarmendu behar da Literatura Sarien hurrengo edizioa oraindik irekita dagoela. Ignacio Aldecoa ipuin sariaren bi formatuetarako epea martxoaren 31n amaituko da, eta Ernestina de Champourcín Lehiaketarako epea, berriz, ekainaren 10ean.