Artziniegako VIII. kontzertu zikloa maiatzaren 31n hasiko da - arabapress
Artziniegako VIII. kontzertu zikloa maiatzaren 31n hasiko da
Mendieta Kulturak antolatu du, eta uztailaren 12ra arteko sei proposamen programatu ditu. Sarreren prezioa 7 euro izango da eta abonuarena, berriz, 35 euro.
Arabako Foru Aldundiaren, Vital Fundazioaren eta Artziniegako Udalaren laguntza du
Gasteiz, 2024ko apirilaren 2a. Mendieta Kultura elkarteak Artziniegako 8. kontzertu zikloa antolatu du, eta sei proposamen eskaini ditu maiatzaren 31tik uztailaren 12ra bitarterako. Sarreren prezioa 7 euro izango da eta abonuarena, berriz, 35 euro.
Inma Sanchez Kulturako foru zuzendariak eta Yolanda Quincoces programa egileak aurkeztu dute gaur.
Mendieta Kultura elkarteak Artziniegan du egoitza, eta 2014an sortu zen, Mendieta auzoko Santo Tomas eliza birgaitzeko eta bertan musikarako kultura zentro bat instalatzeko. Ondoren, udalerrian kalitatezko musika sustatzea proposatu zuen, eta musika klasikoaren, zaharraren eta tradizionalaren kontzertu zikloa antolatzen du aldiro-aldiro 2017az geroztik.
Kontzertuak honako hauek izango dira:
-
Maiatzak 31: Sergio Gomez, kantu erromantikoak. 20:00etan. Arteko santutegia.
-
Ekainak 2: Trihotz, haizea denborara. 13:00etan. Arteko santutegia
-
Ekainak 14: Oñatiko Ganbara Abesbatza, memoranduma. 20:00etan, komentuko patioan.
-
Ekainak 22: Entrebescant, atzerriaren abestia. 20:00, komentuko patioan.
-
Ekainak 28: All'antica, grand tour. 20:00etan, Arteko santutegian.
-
Uztailak 12: Cuarteto Iberia, heriotza eta dontzeila. 20:00etan. Arteko santutegian.
Sarrerak hemen eskuratu ahal izango dira: www.mendietakultura.com; berritasun gisa, kontzertu guztietarako 35 euroko abonu orokorra eskuratu ahal izango da.
Kontzertuen dosierra erantsi da.