Aldundiak edukiera handiko bideen erabileraren araberako ordainketa sistemaren proposamena aurkeztu du
AP-68 autobidean ibilgailu arin eta astunentzako bidesaria mantentzea planteatzen du, egungoak baino "nabarmen" baxuagoak izango diren tarifekin.
2027tik aurrera, gainerako bideetan ibilgailu astunei bakarrik aplikatuko zaie, modu mailakatuan, erabileraren araberako ordainketa, eta A-1 eta N-240 errepideei emango zaie lehentasuna.
Sistemak sortutako baliabide guztiak Errepideen Foru Sarea zaintzeko eta modernizatzeko erabiliko dira.
Hobarien programa bat izango du ohiko erabiltzaileentzat.
Jon Nogales: "Garaia da gure eskumenak erantzukizunez egikaritzeko eta Errepideen Foru Sare moderno eta segurua izateko baliabideak bermatuko dituen eredu berri bat definitzeko".